Ռուսաստանցիների 70 տոկոսից ավելին պատրաստ Է նախագահական ընտրություններում քվեարկել Պուտինի օգտին
1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ռուսաստանցիների 70 տոկոսից ավելին պատրաստ Է պետության ղեկավարի առաջիկա ընտրություններում պաշտպանել Ռուսաստանի նախագահ Վլադիմիր Պուտինի թեկնածությունը: Այդ մասին, ինչպես տեղեկացնում Է «Արմենպրես»-ը, ասված Է Հասարակական կարծիքի ուսումնասիրման համառուսաստանյան կենտրոնի (ՀԿՈՒՀԿ) մամուլի տեղեկագրում:
«Առաջիկա նախագահական ընտրություններում Վլադիմիր Պուտինի օգտին իրենց ձայնը տալու պատրաստակամություն 2016 թվականի սկզբին հայտնում են ռուսաստանցիների 74 տոկոսը, ինչն առավելագույն ցուցանիշն Է չորս տարվա ընթացքում (2012 թվականի հոկտեմբերին այն կազմել Է 40 տոկոս): Ընդ որում նույնիսկ այն մարդկանց թվում, ովքեր նշում են, որ նախագահը դեռ չի իրականացրել իր նախընտրական խոստումներից շատերը, պատրաստ են Պուտինին պաշտպանել հարցվածների 70 տոկոսը»,-ասված Է հաղորդագրության մեջ:
Սոցիոլոգների տվյալներով՝ Պուտինի օգտին ներկայում չի պլանավորում քվեարկել հարցման մասնակիցների 15 տոկոսը, եւս 11 տոկոսը չի կողմնորոշվել ընտրության հարցում: