1 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Բելգիան հայտարարել Է Ֆրանսիայի հետ իր սահմաններին անձնագրային վերահսկողության միջոցներ սահմանելու մասին: Երկրի ներքին գործերի նախարար Ժան Ժամբոնը հայտնել Է, որ ոստիկանության մինչեւ 290 աշխատակիցներ կտեղաբաշխվեն սահմանին, տեղեկացնում Է «Արմենպրես»-ը՝ հղում անելով BBC-ին:
Մինչդեռ Ֆրանսիայի դատարանը շարունակում Է Կալեի ճամբարից հազարավոր միգրանտների վտարման՝ կառավարության պլանների օրինականության վերաբերյալ հայցի քննությունը:
«Այդ մարդիկ հենց այժմ գալիս են այստեղ»,- հայտարարել Է Բելգիայի նախարարը՝ նկատի ունենալով Կալեի «Ջունգլի» ճամբարի բնակիչներին: Նրա խոսքով՝ միջոցառումները, որոնք ենթադրում են Շենգենյան համաձայնագրի գործողության դադարեցում, սահմանվում են անորոշ ժամկետով:
Այդ միջոցառումները, հայտնել Է նախարարը, չեն նշանակում երկրի սահմանների փակում, բայց կկատարվի փաստաթղթերի ընտրակային ստուգում, իսկ ձերբակալվածներն անհապաղ կարտաքսվեն: