Երևանի «Ուլիս»-ը դադարեցնում է գոյությունը

3 րոպեի ընթերցում

ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Երևանի «Ուլիս» ֆուտբոլային ակումբը դադարեցնում է գոյությունը և դուրս է գալու Հայաստանի ընթացիկ առաջնությունից:«Արմենպրես»-ի հաղորդմամբ, այդ կապակցությամբ ակումբը հանդես է եկել հայտարարությամբ, որտեղ մասնավորապես ասված է, որ դեռևս նախորդ տարվա նոյեմբերին «Ուլիսը» հայտնվել էր ֆինանսական ծանր իրավիճակում: Թիմից հեռացան բոլոր արտասահմանցիները: Ակումբի ղեկավարությունը ջանքեր էր գործադրել թիմի ելույթները բարձրագույն խմբում ապահովելու համար: Վերջին երեք հանդիպումներում էլ «Ուլիսը» հանդես եկավ դուստր թիմի՝ «Ուլիս-2»-ի ֆուտբոլիստներով:

Ձմեռային արձակուրդների ընթացքում շարունակվել են աշխատանքները հովանավորների հետ: Ակումբի ղեկավարությունը բանակցություններ է վարել տարբեր կազմակերպությունների հետ՝ թիմի ելույթները առաջնության երկրորդ հատվածում ապահովելու համար: Սակայն գործադրված ջանքերը ապարդյուն են անցել:

«Ուլիսի» գլխավոր բաժնետեր Վալերի Հովհաննիսյանը փետրվարի 3-ին ակումբի մամուլի ծառայության հետ զրույցում ասել է, որ այդպես էլ չի հաջողվել հաղթահարել ֆինանսական դժվարությունները: «Ես ամեն ինչ արեցի, որպեսզի կարողանանք շարունակել մեր ելույթները: Սակայն, ցավոք, ցանկությունը չհամապատասխանեց հնարավորություններին: Շատ եմ ափսոսում, որ այսպես ստացվեց: Մենք ստեղծել էինք մարտունակ թիմ, որ նախորդ առաջնությունում կարողացավ նոր երանգ հաղորդել Հայաստանի բարձրագույն խմբի առաջնությանը: Եվ կրկնակի ցավ եմ ապրում, որ հիմա ստիպված ենք կասեցնել մեր գործունեությունը»,- ասել է ակումբի գլխավոր բաժնետերը:

Նա շնորհակություն է հայտնել այն մարդկանց, ովքեր օգնել են ակումբին, ֆուտբոլիստներին, ովքեր հանդես են եկել թիմի կազմում: Վ. Հովհաննիսյանը նշել է, որ 2015 թվականի վերջին իրադարձությունները ծանր հարված էր թիմի հեղինակությանը: «Խաղադրույքներ կատարելու պատճառով կալանավորվեցին մեր թիմի աշխատակիցներ, դա, իրոք, մեծ ցավ էր ինձ համար: Բայց նույնիսկ այդպիսի իրավիճակում դեռ մտածում էինք, որ կշարունակենք խաղալ: Չստացվեց: Ստիպված եմ հայտարարել, որ «Ուլիսը» չի շարունակելու իր ելույթները բարձրագույն խմբի առաջնությունում»,- հայտարարել է ակումբի գլխավոր բաժնետերը:

Հայերեն Русский

Իրանի ԱԳՆ ներկայացուցիչը Իսրայելին մեղադրել է ապատեղեկատվական արշավ իրականացնելու մեջ

Վրաստանը Հայաստանին է հանձնել մի շարք ծանր հանցագործությունների համար հետախուզվողին

Իսպանիայում տեղատարափ անձրևների պատճառով  սողանքներն արգելափակել են երկաթուղիները

Մարտական ​​գործողություններից փախած եմենցիների թիվը գերազանցել է 340 հազարը

Գտաշեն-Կամխուտ ճանապարհի կամրջի հիմնանորոգման աշխատանքներն ավարտական փուլում են

Ucom-ի աջակցությամբ Երևանում անցկացվել է «Mini Whoop Drone Racing Armenia 2026» դրոնների ամենամյա մրցարշավը

Ծաղկաձորում մեկնարկել է «Խոշտանգումների և անմարդկային վերաբերմունքի կանխարգելումը» խորագրով երկօրյա վերապատրաստման դասընթացը

ԲԸՏՄ-ն Հրազդանում կասեցրել է կատալիզատորների վերամշակման գործունեությունը․ տնօրենը տուգանվել է 10 միլիոն դրամով

ՀՌՀ-ն քննադատել է Հանրայինի «Մեծ բանավեճ» հաղորդման շրջանակում սեռական բնույթի արտահայտությունների և բռնության ցուցադրությունը

Մոսկվայում տեղի է ունեցել Հայաստանի պետական ջազ նվագախմբի համերգը