2 րոպեի ընթերցում
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Ավստրալիայի կառավարության երկու նախարարներ հրաժարական են տվել Հոնկոնգի հայտնի բարերից մեկն այցելելուց հետո: Այդ մասին, ինչպես տեղեկացնում Է «Արմենպրես»-ը, դեկտեմբերի 29-ին հաղորդել Է Reuters գործակալությունը:
Նախարարներն այդ հաստատությունում են եղել ուշ երեկոյան՝ այդ երկիր իրենց պաշտոնական այցի ընթացքում: Այդ բարի՝ անունը չնշված հաճախորդուհին հայտարարել Էր, որ պաշտոնյաներից մեկը՝ քաղաքների գործերի նախարար Ջեյմի Բրիգսը, անվայել վերաբերմունք Է դրսեւորել իր նկատմամբ:
«Ես անմիջապես ներողություն խնդրեցի նրանից, բայց երկար խորհրդածելուց հետո եկա այն եզրակացության, որ իմ պահվածքը չԷր համապատասխանում բարձր չափորոշիչներին»,-հայտնել Է Բրիգսը լրագրողներին: Միջադեպից հետո նա հրաժարական Է տվել:
Նախարարը հրաժարվել Է մանրամասներ պատմել բարում տեղի ունեցած միջադեպի վերաբերյալ, միայն նշել Է, որ «ոչ մի հակաօրինական բան չի արել»:
Եվս մեկ նախարար՝ Մալ Բրոն, նույնպես ներկա Է եղել միջադեպին: Ոստիկանությունը դեռեւս հետաքննում Է նրա դերը պատահարում: Այդուհանդերձ նա նույնպես որոշում Է ընդունել թողնել իր պաշտոնը:
«Պարոն Բրոն ճիշտ քայլ Է արել՝ դրանով իսկ ընդունելով կառավարության իմիջը պահպանելու կարեւորությունը»,-պաշտոնաթողությունը մեկնաբանել Է կաբինետի նախագահ Մալկոլմ Թեռնբուլը:
Նախարարների դիմումները նրանց գործընկերների կողմից քննարկվելու են կառավարության առաջիկա նիստում: