1 րոպեի ընթերցում
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Արթուր Ոսկանյանը նշանակվել է Հայաստանի մինչև 17 տարեկանների հավաքականի գլխավոր մարզիչ: Այս մասին «Արմենպրես»-ը տեղեկացավ Հայաստանի ֆուտբոլի ֆեդերացիայի պաշտոնական կայքից:
Արթուր Ոսկանյանը 54 հանդիպում է անցկացրել Հայաստանի ազգային հավաքականի կազմում և դարձել է 1 գոլի հեղինակ: Որպես մարզիչ՝ Արթուր Ոսկանյանը ժամանակին արդեն գլխավորել է Հայաստանի մինչև 17 տարեկանների հավաքականը, աշխատել է «Բանանց» ակումբում: Արթուր Ոսկանյանին կօգնեն Ռոմիկ Սիմոնյանը և դարպասապահների մարզիչ Վլադիմիր Վարդանյանը:
Արթուր Ոսկանյանը կգլխավորի նաև Հայաստանի մինչև 16 տարեկանների հավաքականը, իսկ նրա օգնականը կլինի Մանուկ Սարգսյանը: