Արամ Ա-ն կարևոր հանդիպումներ է ունեցել Հունաստանում

2 րոպեի ընթերցում

ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Աթենքում հոկտեմբերի 18-22-ըկայացած «Կրոնների և մշակույթների խաղաղ գոյակցությունը Միջին Արևելքում» համագումարի շրջանակում Ն.Ս.Օ.Տ.Տ. Արամ Ա կաթողիկոսը կարևոր հանդիպումներ է ունեցել Հունաստանի ԱԳ նախարարի հետ` ողջունելով համագումարը կազմակերպելու նախարարության նախաձեռնությունը:Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Վեհափառ Հայրապետի հետ հանդիպել են Հրեական միջազգային կրոնական-մշակութային կազմակերպության նախագահը, Իրաքի խորհրդարանի քրիստոնյա բլոգի նախագահը, Շվեդիայի խորհրդարանի ասորի երեսփոխանների ներկայացուցիչը, Եկեղեցիների համաշխարհային խորհրդի ընդհանուր քարտուղարը և Աթենքի տնտեսագիտության համալսարանի նախագահը:

Նորին Սրբությունը նաև հանդիպումներ է ունեցել համաժողովին ներկա պատրիարքների ու հոգևոր պետերի, նաև Վատիկանի ու զանազան եկեղեցիների ներկայացուցիչների հետ: Վեհափառ Հայարապետը խոսքով հանդես է եկել Հունաստանի եկեղեցու հոգևոր պետի կողմից տրված ճաշկերույթին ու շեշտել եկեղեցիների միջև գոյակցության, սիրո և եղբայրության կարևորությունը դիմագրավելու ներկա աշխարհի տագնապները:

Հունաստան-Հայաստան բարեկամության խմբի նախագահն ի պատիվ Վեհափառ Հայրապետի ճաշկերույթ է կազմակերպել, որին ներկա են եղել Հունաստանի հայոց թեմի առաջնորդ Գերշ. Տ. Խորեն Արք. Տողրամաջյանը, Հունաստանում Հայաստանի դեսպանը և քաղաքական բարձրաստիճան անձինք:

Նորին Սրբությունը նաև հանդիպումներ է ունեցել Հունաստանի հայոց թեմի ազգային վարչության անդամների, Աթենքի հայ գաղութի կյանքում գործող ու զանազան կազմակերպությունների ներկայացուցիչների հետ: Վեհափառ Հայրապետը գնահատել է նրանց նվիրվածությունը և անհրաժեշտ է համարել մեր կառույցներն ու կազմակերպություններն աշխույժ պահելը, համագործակցությունը և մանավանդ երիտասարդ ուժերի ներգրավումը:

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն