1 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Ազատամարտիկ Սմբատ Հակոբյանին ծեծի ենթարկելու դեպքով հարուցված քրեական գործի շրջանակներում հարցաքննվել է Հայաստանի ֆուտբոլի ֆեդերացիայի նախագահ Ռուբեն Հայրապետյանը: Այս տեղեկությունը «Արմենպրես»-ին հաստատեցին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:
Ազատամարտիկ Սմբատ Հակոբյանը ծեծի էր ենթարկվել սեպտեմբերի 21-ին՝ Աբովյան փողոցում: Հարուցվել է քրեական գործ, որի շրջանակում ձերբակալվել է երեք անձ՝ Երևան քաղաքի բնակիչներ` 37-ամյա Արարատ Գրիգորյանը, 31-ամյա Հակոբ Պետրոսյանը և 36-ամյա Արմեն Սարգսյանը, ովքեր նույն օրը ձերբակալվել են: Հակոբյանը հայտարարել էր, որ իրեն ծեծողներից ճանաչել է ոմն Տիգրանի, ում ինքը գիտեր որպես Հայաստանի ֆուտբոլի ֆեդերացիայի նախագահ Ռուբեն Հայրապետյանի թիկնազորի անդամ:
