Ակնկալում եմ, որ ընդհանրապես չունենանք առանց գծանշման ճանապարհ. Փաշինյան
1 րոպեի ընթերցում
![Ակնկալում եմ, որ ընդհանրապես չունենանք առանց գծանշման ճանապարհ. Փաշինյան](http://armenpress.am/resized/480/storage/images/articles/2024/09/05/EjdHXQT2dzRzeWFRI3pIZ8MUTpRf3njQzqHmQHmy.webp)
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանը հորդորեց ճանապարհների կառուցման, վերանորոգման նախագծերում անպայման ներառել գծանշումները, չունենալ առանց գծանշման ճանապարհներ:
«Արմենպրես»-ի փոխանցմամբ՝ Փաշինյանն այս մասին ասաց ՀՀ կառավարության նիստում:
Նա Վայոց ձորի մարզ կատարած այցի արդյունքներով կարևորեց, որ ճանապարհները, այդ թվում գյուղական ճանապարհները նախագծելիս գծանշումներն անպայման ներառեն:
«Այդ գծանշումները մեր նախագծի արժեքն էականորեն չեն մեծացնի, բայց դրանք ցանկացած գյուղում շատ էական մթնոլորտ են փոխում: Բոլոր ճանապարհները, որոնք լավ վիճակում են, այդ թվում՝ գյուղական բնակավայրերում, պետք է գծանշել: Դա վերաբերմունք է մարդկանց նկատմամբ, կրթության և սոցիալ-հոգեբանության փոփոխության մաս է: Ակնկալում եմ, որ ընդհանրապես չունենանք առանց գծանշման ճանապարհ՝ առավել ևս նորոգված, միջին նորոգված կամ հիմնանորոգված»,-ասաց Փաշինյանը:
Վարչապետը կարևորեց արտաքին տեսքը: Նա հորդորեց բացառել նախագծում գծանշում չնախատեսելը: