1 րոպեի ընթերցում
ԵՐԵՎԱՆ, 6 ՀՈԿՏԵՄԲԵՐԻ, ԱՐՄԵՆՊՐԵՍ: Ռուասաստանը մտադիրչ չէ մասնակցել Սիրիայում ցամաքային ռազմական գործողությունների: Այս մասին նշել է Մերձավոր Արևելքի և աֆրիկյան երկրներում Ռուսաստանի Դաշնության Նախագահի հատուկ ներակայացուցիչ, արտաքին գործերի փոխնախարար Միխայիլ Բոգդանովը: Ինչպես հաղորդում է«Արմենպրես»-ը, վկայակոչելով սիրիական ՍԱՆԱ գործակալությունը, նա նաև ավելացրել է, որ Ռուսաստանի Նախագահ Վլադիմիր Պուտինը հստակ նշել է, որ իր երկիրը չի մասնակցի նման գործողությունների:
Իր հերթին, ՆԱՏՕ-ի գլխավոր քարտուղար Յենս Ստոլտենբերգը նշել է, որ ՆԱՏՕ-ն դեռ չի մեկնաբանում Սիրիայում Ռուսաստանի Դաշնության ռազմական ուժերի առկայությունը: Նա նաև ավելացրել է, որ իրենք տեսնում են ռուսական ուժերի զգալի առկայություն Սիրիայում, այդ թվում` օդային ու ցամաքային ուժեր` տեղակայված ավիաբազներում, ինչպես նաև ռազմական նավերի թվի մեծացում: ՆԱՏՕ-ի գլխավոր քարտուղարը, սակայն, թվեր չի հրապարակել: