1 րոպեի ընթերցում
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը հայտարարել Է, որ Մոսկվան չի պատրաստվում ամբողջովին խորասուզվել սիրիական հակամարտության մեջ, տեղեկացնում Է «Արմենպրես»-ը՝ հղում անելով ՌԻԱ Նովոստիին:
«Մեր գործողություններն իրականացվելու են խստիվ սահմանված շրջանակներում: Նախեւառաջ մենք սիրիական բանակին աջակցելու ենք ահաբեկչական խմբավորումների դեմ նրա օրինական պայքարում, երկրորդ՝ աջակցությունը ցուցաբերվելու Է օդից՝ առանց ցամաքային գործողությունների մասնակցության»,-ասել Է Պուտինը կառավարության անդամների հետ սեպտեմբերի 30-ին կայացած խորհրդակցության ժամանակ:
Պետության ղեկավարի խոսքով՝ սիրիական հակամարտությունը տարբեր պատճառներ ունի, որոնք սրվել են դրսից բացահայտ միջամտության հետեւանքով: