2 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Apple ընկերության iPhone 6s և iPhone 6s Plus սմարթֆոներն ավելի արագ են աշխատում, քան նախորդները: Դրանք հնարավոր կլինի պատվիրել սեպտեմբերի 12-ից, իսկ ձեռք բերել սեպտեմբերի 25-ից: Այս մասին հայտնում է «Արմենպրես»-ը՝ վկայակոչելով Apple-ի պաշտոնական կայքը:
Apple ընկերությունն սեպտեմբերի 9-ին կայացած միջոցառմանը հանրության դատին է ներկայացրել մի քանի նոր արտադրանք. iPhone 6s և iPhone 6s Plus հեռախոսները, iPad Pro պլանշետն ու դրա համար նախատեսված Apple մատիտը, ինչպես նաև հեռուստատեսության ապագա Apple TV սարքը:
iPhone-ները կլինեն արծաթագույն, ոսկեգույն, մոխրագույն ու վարդագույն երանգներով։ Դրանք ունեն մի շարք յուրահատկություններ, մասնավորապես, 3D Touch տեխնոլոգիայով էկրան, երբ ուժգին հպման միջոցով հնարավոր է դիտել նախորդ հղումները: iPhone 6s-ն ու iPhone 6s Plus-ն աշխատում ենiOS 9 օպերացիոն համակարգով, դրանք 70 տոկոսով ավելի արագ են, քան նախորդները: Ներկայում iPhone-ի օգտատերերը կարող են iOS 9 օպերացիոն համակարգը ներբեռնել սեպտեմբերի 16-ից: Սմարթֆոններն ունեն կենդանի նկարներ կատարելու հնարավորություն, այսինքն՝ դրանք ֆիկսում են կադրն ու դրանից առաջ ու հետո եղած կադրերը և ստանում մի քանի վայրկյան տևողությամբ տեսանյութ: Առջևի տեսախցիկը 12 մեգապիկսել է, իսկ դիմայինը՝ 5, համապատասխանաբար, առջևի տեսախցիկով հնարավոր է նկարահանել4K տեսանյութեր, իսկ դիմայինով՝ 720p:
Ամերիկյան շուկայում iPhone 6s-ի արժեքը կտատանվի 649-849 դոլարի սահմաններում՝ կախված հիշողության տարողությունից, iPhone 6s Plus-ը՝ 749-949 դոլարի սահմաններում կլինի:
Լուսանկարը` AP