Իրաքի վարչապետը վերացրել է փոխնախագահի եւ փոխվարչապետի պաշտոնները
1 րոպեի ընթերցում
![Իրաքի վարչապետը վերացրել է փոխնախագահի եւ փոխվարչապետի պաշտոնները](http://armenpress.am/resized/480/static/news/b/2015/08/814744.jpg)
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Իրաքի վարչապետ Հայդար ալ Աբադին վերացրել է փոխնախագահի եւ փոխվարչապետի պաշտոնները: Ինչպես տեղեկացնում է «Արմենպրես»-ը, այս մասին հայտնել է միջարաբական Al-Arabia հեռուստաալիքը: Որոշումն ուժի մեջ է մտնում անմիջապես:
Նման որոշում կայացվել է կոռուպցիայի դեմ պայքարի եւ ծախսերի կրճատման շրջանակներում: Հայդար ալ Աբադին հրամանի տեքստը տեղադրել է ֆեյսբուքյան իր էջում:
Նա նաեւ շեշտել է, որ կոռուպցիայի հետ կապված բոլոր նախկին եւ ներկա գործերը կբացահայտվեն եւ գտնվում են հակակոռուպցիոն հանձնաժողովի ուշադրության ներքո: Բացի այդ, իրաքյան վարչապետի խոսքով, կկրճատվի կառավարության թիկնապահների թիվը: