1 րոպեի ընթերցում
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: BBC հեռուստաալիքը ֆեյսբուքի իր էջում հրապարակել է Բենեդիկտ Քամբերբետչի և Մարտին Ֆրիմանի լուսանկարը՝ «Շերլոք» հեռուստասերիալի նոր եթերաշրջանի հերոսների կերպարով: «Լռեք բոլորդ, լռեք: Մի շարժվեք, մի խոսեք, մի շնչեք: Ահա ձեզ լուսանկար «Շերլոք»-ի հատուկ էպիզոդի նկարահանումներից»,- «Արմենպրես»-ի հաղորդմամբ` նկարը մեկնաբանել են հեղինակները:
Հանճարեղ խուզարկու Շերլոք Հոլմսի և նրա օգնական բժիշկ Վաթսոնի արկածների մասին պատմող սերիալի չորրորդ եթերաշրջանը կմեկնարկի BBC-ի եթերում 2016 թվականի գարնանը: Հատուկ ամանորյա թողարկումը էկրաններին կհայտնվի այս տարվա դեկտեմբերի 25-ին: