Ադրբեջանը ԼՂՀ նախագահի այցի հետ կապված բողոքի նամակ է հղել Մեծ Բրիտանիային
1 րոպեի ընթերցում
![Ադրբեջանը ԼՂՀ նախագահի այցի հետ կապված բողոքի նամակ է հղել Մեծ Բրիտանիային](http://armenpress.am/resized/480/static/news/b/2015/07/811065.jpg)
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Ադրբեջանում Մեծ Բրիտանիայի դեսպան Իրֆան Սիդդիգը հուլիսի 1-ին հրավիրվել է ԱԳՆ, որտեղ փոխարտգործնախարար Խալաֆ Խալաֆովն ադրբեջանական կառավարության անունից նրան բողոքի նամակ է հանձնել Լեռնային Ղարաբաղի Հանրապետության նախագահ Բակո Սահակյանի` Մեծ Բրիտանիա հրավիրվելու առնչությամբ:
Այս մասին, ինչպես հաղորդում է «Արմենպրես»-ը, APA-ին հայտնել է Ադրբեջանի ԱԳՆ-ի մամուլի ծառայությունը:
ԼՂՀ նախագահ Բակո Սահակյանը պաշտոնապես հրավիրվել է մասնակցել Թագավորական միջազգային հարաբերությունների ինստիտուտում` Chatham House-ում 2015 թվականի հուլիսի 8-ին անցկացվելիք միջոցառմանը: