Ջեյմս Ուորլիքը մեկնաբանել է ԵԱՀԿ Մինսկի խմբի ձևաչափն ընդլայնելու Ադրբեջանի առաջարկը
2 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: ԵԱՀԿ Մինսկի խմբի համանախագահները տրամադրված չեն եռանախագահության ձեւաչափի փոփոխությանը եւ կաշխատեն ներկա ֆորմատով: «Մենք կշարունակենք աշխատանքը Մինսկի խմբի ձևաչափով, քանի որ սա է ներկայումս կողմերի համար ընդունելի ձևաչափը»,- ԵԱՀԿՄինսկի խմբի ձևաչափը ընդլայնելու Ադրբեջանի առաջարկի վերաբերյալ «Արմենպրես»-ի հարցին ի պատասխան ասաց ԵԱՀԿՄինսկիխմբիամերիկացի համանախագահՋեյմս Ուորլիքը:
Նա նշեց, որ խնդիրը բանակցությունների ձևաչափը չէ, այլ ի վերջո սա մի հակամարտություն է, որի վերաբերյալ որոշումները պետք է կայացնեն երկու երկրների նախագահներն ու ժողովուրդները: «Երբ նրանք որոշեն, որ եկել է խաղաղության, բանակցված կարգավորման ժամանակը, մենք պատրաստ կլինենք միջնորդել, նպաստել այդ կարգավորմանը»,-հավելեց Ուորլիքը:
Լեռնային Ղարաբաղի հակամարտության կարգավորման խնդրով զբաղվող Ջեյմս Ուորլիքը ղարաբաղյան հինախնդիրների շուրջ բանակցություններ իրականացնելու նպատակով Հայաստան է ժամանել հունիսի 9-ին: Նա արդեն հանդիպում է ունեցել ՀՀ արտաքին գործերի նախարար Էդվարդ Նալբանդյանի, ինչպես նաև Բաքվում կայանալիք առաջին Եվրոպական խաղերին մասնակցող հայ մարզիկների հետ: Ավելի վաղ հաղորդվել էր, որ հունիսի 12-ին Ուորլիքը կմասնակցի Բաքվի Եվրոպական խաղերի բացման արարողությանը: