1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Ամերիկացի եւ բրիտանացի գիտնականները ներկայացրել են տեսագրություն, որը ցույց Է տալիս, թե ինչպես են իմունային համակարգի «քիլերները» հետեւում եւ ոչնչացնում քաղցկեղի բջիջները: Ինչպես տեղեկացնում Է «Արմենպրես»-ը, այս թեմայով հետազոտությունը հրապարակվել Է Immunity հանդեսում:
T-քիլերները կամ ցիտոտոքսիկ T-լիմֆոցիտներն արյան սպիտակ գնդիկներն են, որոնք մասնագիտացած են վիրուսների եւ քաղցկեղային բջիջների ոչնչացման գործում: Մեկ թեյի գդալ արյան մեջ դրանց թիվը հասնում Է շուրջ հինգ միլիոնի:
Տեսագրության մեջ T-լիմֆոցիտները ներկայացված են որպես նարնջագույն եւ կանաչ գույնի ամորֆ գնդիկներ: Դրանք արագորեն շարժվում են՝ անդադրում հետազոտելով շրջակա միջավայրը:
Հենց որ T-քիլերները քաղցկեղի բջիջ են հայտնաբերում, լիմֆոցիտի մեմբրանային «մատներն» ստուգում են այն: «Ինքնության» այդ «բացահայտումից» հետո T-քիլերը կապվում Է բջիջի հետ եւ թունավոր սպիտակուցները հանում դրա մակերեւույթի միկրոփողակներ: Վերջապես, լեյկոցիտը ծակում Է այդ մակերեւույթը՝ թունավոր բեռին թույլ տալով ոչնչացնել քաղցկեղի բջիջը: