1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Մոսկվայի Լոմոնոսովի անվան պետհամալսարանը մի շարք մասնագիտությունների գծով ընդգրկվել է աշխարհի լավագույն համալսարանների թոփ-50-ում: Դա, ինչպես տեղեկացնում է «Արմենպրես»-ը, հետեւում է այն տվյալներից, որոնք ներկայացվել են QS World University Rankings by Subject ծրագրի կողմից:
Այսպես, ՄՊՀ-ն 35-րդ տեղն է զբաղեցրել «Լեզվաբանություն» մասնագիտության գծով, 36-րդ տեղը՝ «Ֆիզիկա եւ աստղագիտություն» մասնագիտության գծով եւ 42-րդ տեղը՝ «Մաթեմատիկա» մասնագիտության գծով, ինչպես նաեւ 48-րդ տեղը «Ժամանակակից լեզուներ» մասնագիտության գծով:
Համալսարանը նաեւ թոփ-100-ի մեջ է մտել «Համակարգչային գիտություններ եւ տեղեկատվական համակարգեր» մասնագիտության գծով:
Առաջին տեղեր գրաված բուհերի թվում են Դեւիսի Կաիֆոռնիական համալսարանը, Հարվարդի համալսարանը, Մասաչուսեթսի տեխնոլոգիական ինստիտուտը, Բերկլիի Կալիֆոռնիական համալսարանը, Օքսֆորդի համալսարանը, Լոնդոնի բիզնես-դպրոցը, Սթենֆորդի համալսարանը, Քեմբրիջի համալսարանը:
Լուսանկարը`«Коммерсантъ»