398.74
Վերագործարկվել է Երևանի Շառլ Ազնավուրի անվան հրապարակի շատրվանը
1 րոպեի ընթերցում
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Որպես ապրիլյոթյան ևս մի ինքնատիպ նվեր մայրաքաղաքի կանանց ու աղջիկներին` Երևանի քաղաքապետ Տարոն Մարգարյանի նախաձեռնությամբ արդեն հաճելի ավանդույթ է դարձել հենց Մայրության և գեղեցկության օրը վերագործարկել մայրաքաղաքի շատրվանները: Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, Շառլ Ազնավուրի անվան հրապարակի շատրվանի վերագործարկման առիթով մի խումբ երիտասարդներ Էրեբունի-Երևան երգի հնչյունների ներքո ֆլեշմոբ են կազմակերպել:
Շնորհակալություն հայտնելով քաղաքի առօրյան լիարժեք տոնի վերածելու՝ քաղաքապետ Տարոն Մարգարյանի նախաձեռնությունների համար՝ մայրաքաղաքի բնակիչներն ու հյուրերը նշել են, որ հյուրընկալ Երևանի մթնոլորտն էլ ավելի է ջերմացել քաղաքապետարանի ջերմ վերաբերմունքից:
Բաժանորդագրվեք մեր ալիքին Telegram-ում