«Հայռուսգազարդ»-ի կապիտալում ՀՀ կառավարության բաժնետոմսերի 20 տոկոսի օտարումն օրինական է եղել. հանձնաժողովի եզրակացությունը

4 րոպեի ընթերցում

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: ՀՀ կառավարության կողմից «Հայռուսգազարդ»-ի բաժնետոմսերի 20 տոկոսի վաճառքը գտնվել է իրավական կարգավորումների դաշտում և օրինական է: Ազգային ժողովում ՀՀ գազամատակարարման համակարգի գործունեությունն ուսումնասիրող ժամանակավոր հանձնաժողովի եզրակացության քննարկման ընթացքում հայտարարեց հանձնաժողովի նախագահ Վարդան Այվազյանը՝ պատասխանելով անկախ պատգամավոր Խաչատուր Քոքոբելյանի հարցին: «Մենք հստակ կարող ենք ասել, որ այդ 20 տոկոսի վաճառքը միանշանակ իրավական կարգավորումների դաշտում է եղել և ամբողջովին օրինական գործընթաց է: Ազգային ժողովում էլ այդ պայմանագիրը վավերացվել է, և կարող ենք հստակ ասել, որ գործընթացն ամբողջովին եղել է օրենքի սահմաններում»,- «Արմենպրես»-ի հաղորդմամբ՝ նշեց Այվազյանը:

Պատգամավորի մյուս հարցին, թե հանձնաժողովն իր գործունեության ընթացքում աղմկահարույց խախտումներ ՀՀ գազամատակարարման համակարգի ոլորտում հայտնաբերե՞լ է, Այվազյանն ընդգծեց, որ հանձնաժողովն իր մեկ տարվա աշխատանքի ընթացքում պատգամավորներին է ներկայացրել բավականին ծավալուն փաստաթուղթ, որում հստակ նշված են խնդիրներն ու առաջարկությունները: «Այն խախտումները, որոնք հայտնաբերել ենք, մանրամասն նկարագրել ենք մեր եզրակացության մեջ: Մենք հստակ նշել ենք բոլոր այն խնդիրները, որոնք հանձնաժողովի գործունեության ընթացքում հայտնաբերել ենք»,- ասաց Այվազյանը:

ՀՀ-ում գազամատակարարման համակարգի գործունեությունն ուսումնասիրող ԱԺ ժամանակավոր հանձնաժողովն ավարտել է աշխատանքը և խորհրդարանի քննարկմանն է ներկայացրել համապատասխան եզրակացություն: Հանձնաժողովն ուսումնասիրություներ է կատարել հետևյալ ուղղություններով.

1)Բնական գազի մատակարարման և օգտագործման բնագավառում սպառողների շահերի պաշտպանության ներկայիս վիճակի (բնական գազի ջերմատվության, գազի

հաշվիչների ստուգաչափման, կորուստների հիմնավորվածության, ներտնային

համակարգի սպասարկման և այլնի վերաբերյալ) ուսումնասիրությունը.

2) 2011-2013 թվականների ընթացքում գազի դիմաց կուտակված պարտքի

ձևավորման օրինականության և չափի հիմնավորվածության ուսումնասիրությունը.

3) «ՀայՌուսգազարդ» փակ բաժնետիրական ընկերության կանոնադրական

կապիտալում Հայաստանի Հանրապետության ունեցած բաժնեմասի գնահատման

գործընթացի ուսումնասիրությունը.

4) բնական գազի այլընտրանքային ներկրման (Ռուսաստանի Դաշնության այլ

արդյունահանողներից, այլ երկրների արդյունահանողներից, Ռուսաստանի

Դաշնության կամ Իրանի Իսլամական Հանրապետության տարածքով և այլն)

հնարավորությունների կանխատեսումները.

5) Հայաստանի Հանրապետության տարածքով բնական գազի տարանցիկ

փոխադրման հնարավորությունների կանխատեսումները.

6) Հայաստանի Հանրապետության օրենսդրությամբ Հայաստանի

Հանրապետության համար Վրաստանի սահմանում բնական գազի գնի ձևավորման

գործոնների հիմնավորվածության ուսումնասիրությունը.

7) «ՀայՌուսգազարդ» փակ բաժնետիրական ընկերության կողմից սպառողներին

վաճառվող բնական գազի սակագների`

ա) հաշվարկման՝ Հայաստանի Հանրապետության օրենսդրությամբ սահմանված

կարգի համապատասխանությունը միջազգային պրակտիկային,

բ) համապատասխանությունը Հայաստանի Հանրապետության օրենսդրությամբ սահմանված կարգին,

գ) ազդեցությունը էլեկտրաէներգիայի սակագնի վրա.

8) գազամատակարարման համակարգի հետ կապված առաջարկությունների ներկայացումը:

Հայերեն

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել