1 րոպեի ընթերցում
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: «Իսլամական պետությունը» ներխուժել է Դամասկոսի մերձակայքում գտնվող պաղեստինցի փախստականների «Յարմուք» ճամբար: Ինչպես հաղորդում է «Արմենպրես»-ը՝ վկայակոչելով լիբանանյան «Ալ Մայադին» գործակալությունն, ահաբեկիչներն ճամբար են մտել Հաջր ալ Ասուադ շրջանից: Ճամբարի Պաղեստին մզկիթի մերձակայքում թեժ բախումներ են ընթանում զինված խմբավորումների և ԻՊ-ի միջև: Տեղեկություններ կան, որ ԻՊ-ի ահաբեկիչները հասել են մինչև ճամբարի կենտրոն:
Թեժ բախումներ են սկսվել զինյալների և սիրիական բանակի միջև Հորդանանի սահմանի մերձակայքում: Բախումներն սկսվել են Դարաա մարզում, սահմանային «Նասիբ» անցակետի մոտ: Զինյալները հարձակվել են այնտեղ կենտրոնացած սիրիական ուժերի վրա:
Ավելի վաղ սիրիական բանակն ամբողջությամբ հսկողություն է հաստատել Դամասկոսի մերձակայքում գտնվող Զաբադանիիլեռներիարևմտյան հատվածի վրա՝ այնտեղ ոչնչացնելով «Ջաբհա ան Նուսրա» ահաբեկչական խմբավորման վերջին հավաքատեղիները: Մինչ այդ սիրիական բանակն իր ձեռքն էր վերցրել Զաբադանիի մի քանի բլուրներ ու բարձունքներ, այդ թվում՝ 1715-րդ բարձունքը, Ջաբալ Շեյխ Մանսուրը, Ռաս ալ Կարնը: