1 րոպեի ընթերցում
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն այսօր ընդունել է ԵԱՀԿ Ժողովրդավարական հաստատությունների եւ մարդու իրավունքների գրասենյակի (ԺՀՄԻԳ) տնօրեն դեսպան Քրիստիան Շտրոհալին: Ինչպես «Արմենպրեսե-ին հայտնեցին ՀՀ նախագահի մամլո գրասենյակից, քննարկվել են ԵԱՀԿ ԺՀՄԻԳ եւ Հայաստանի համագործակցությանը, առաջիկա խորհրդարանական ընտրություններին առնչվող հարցեր: Երկրի ղեկավարի խոսքով, Հայաստանի իշխանությունները շահագրգիռ են կազմակերպել իսկապես որակյալ ընտրություններ` զերծ սուբյեկտիվ տարրերից: Զրուցակիցները քննարկել են նաեւ ընտրական գործընթացներում դիտորդական առաքելության գործունեության հետ կապված հարցեր: Ըստ Ռոբերտ Քոչարյանի` հայկական կողմի ցանկությունն է, որ այն լինի իսկապես միջազգային առաքելություն: