Հրդեհ է բռնկվել Երևանի Իսակովի պողոտայի շենքներից մեկում

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում փետրվարի 12-ին` ժամը 10.04-ին, ահազանգ է ստացվել, որ Երևանի Իսակովի պողոտայի թիվ 52/5 շենքի բնակարաններից մեկի մուտքի դռան մոտ տեղի է ունեցել էլեկտրական լարերի կարճ միացում՝ հրդեհի բռնկմամբ: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 10.19-ին, մարվել՝ 10.20-ին: Ռ. Ի.-ին պատկանող բնակարանում այրվել է էլեկտրական ապահովիչ: