1 րոպեի ընթերցում
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի առաջնության նոր չեմպիոն Կարեն Գրիգորյանն այսօր զորակոչվում է` համալրելու հայկական բանակի շարքերը:
«Իհարկե, սա կյանքի շրջան է, որ պետք է անցնենք: Ծառայությունից հետո էլ կյանքը կշարունակվի: Սա մեր ազգի առաջ պարտք է, որ պիտի կատարենք, դրանից հետո կարող ես հանգիստ լինել, որ հայրենիքիդ պաշտպանության գործում քո լուման ունես»,-«Արմենպրես»-ի հետ զրույցում ասաց Գրիգորյանը:
Շախմատի Հայաստանի առաջնությունում Կարեն Գրիգորյանը 9հնարավորից հավաքեց 6միավոր: Մի քանի անգամ Հայաստանը ներկայացրել է տարբեր տարիքային խմբերի աշխարհի ու Եվրոպայի պատանեկան առաջնություններում: Եվրոպայի պատանեկան առաջնությունների եռակի մրցանակակիր է: 2014 թվականին Լեհաստանի Կատովիցե քաղաքում դարձել է ուսանողների աշխարհի փոխչեմպիոն: