Երևանի Շիրակի փողոցի նախկին հանրակացարանում հրդեհ է բռնկվել

ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և արտակարգ իրավիճակների նախարարությունում դեկտեմբերի 11-ին` ժամը 00.07-ին, ահազանգ է ստացվել, որ հրդեհ է բռնկվել Երևանի Շիրակի փողոցի թիվ 2ա շենքի (նախկին հանրակացարան) 4-րդ հարկում: Ինչպես «Արմենպրես»-ին տեղեկացրին ՀՀ տարածքային կառավարման և արտակարգ իրավիճակների նախարարությունից, դեպքի վայր են մեկնել երկու մարտական հաշվարկ, ՃԿԿ ԱԻ արձագանքման և օպերատիվ խմբերը: Հրդեհը մարվել է տեղի ուժերով: Ամբողջությամբ այրվել է սենյակի (15 քմ) գույքը: