Լիտվացի պատգամավորը ողջունել է Եվրոպական Խորհրդարանում ԼՂ-ի հետբարեկամության խմբի ստեղծումը

ՎԻԼՆՅՈՒՍ, 16 ՀՈԿՏԵՄԲԵՐԻ, ԱՐՄԵՆՊՐԵՍ:Լիտվայի Սեյմասի Արցախի Հանրապետության հետբարեկամության խմբի նախագահ Դալիա Կուոդիտեն հոկտեմբերի 16-ին խորհրդարանում հանդես է եկելհայտարարությամբ՝ Եվրոպական Խորհրդարանում Լեռնային Ղարաբաղի հետբարեկամության խմբի ստեղծման կապակցությամբ:

«Արմենպրես»-ի հաղորդմամբ` հայտարարության մեջ մասնավորապես ասվում է.

«Ս.թ. հոկտեմբերի 15-ին Եվրոպական խորհրդարանում հայտարարվել է Լեռնային

Ղարաբաղի հետ բարեկամության խմբի ստեղծման մասին: Խումբը ղեկավարելու է

ԵԺԿ խմբի անդամ Ֆրանկ Էնգելը:

Խմբի ստեղծման հայտարարության մեջ նշվում է, որ իր գործունեությունը

հիմնականում ուղղելու է Արցախում տեղի ունեցող ժողովրդավարական

գործընթացների խթանմանը և քաղաքացիական հասարակության հետագա զարգացմանը,

որոնք, ըստ էության, մեզ համար կարևոր եվրոպական արժեքներ են:

Խումբը կազմված է տարբեր քաղաքական ուժերի ներկայացուցիչներից, ովքեր

նպաստելու են ԵՄ և Արցախի միջև տարբեր բնագավառներում, մասնավորապես,

քաղաքացիական հասարակության և ոչ պետական սեկտորի միջև կապերի

հաստատմանը:

Խումբը ձեռնամուխ է լինելու տարածաշրջան տարբեր այցերի իրականացմանը,

ինչպես նաև նպաստելու է Արցախի մասնակցությանը տարբեր միջազգային

ֆորումներին և ԵՄ տարատեսակ ծրագրերին:

Խմբի ղեկավար պարոն Էնգելն ասել է. «Մենք ցանկանում ենք մարդկանց

իրազեկել տարածաշրջանի չճանաչված հատվածի մասին, որը, ի վերջո,

ժողովրդավար հանրապետություն է եւ ցուցաբերում է համապատասխան վարքագիծ»:

ԼՀ Սեյմասի Արցախի Հանրապետության հետ բարեկամության խումբը շնորհավորում

է իր գործընկերներին և մաղթում հաջողություններ՝ ընդգծելով, որ խմբի

գործունեության նպատակները ամբողջովին համահունչ են մեր խմբի

հիմնադրույթներին և արդեն իսկ ուրվագծվում են փոխգործակցության հնարավոր

ուղիները:

Ասել ենք և կասենք, որ մենք պետք է շփվենք և համագործակցենք ազատ և

ժողովրդավար երկրի ազատ քաղաքացիների հետ, ինչպիսին ինքներս ենք

հանդիսանում:

Մենք պետք է սատարենք ժողովրդավար հասարակություն ձևավորելու արցախցիների

ձգտումը, ինչպես սատարել ենք իրենց 1990 թվականին, քանի որ ազատությունն

ու ժողովրդավարական արժեքները չունեն ժամանակային սահմանափակումներ,

ինչը, ցավոք, երբեմն մոռացվում է»: