Տավուշում «ՈւԱԶ»-ը վրաերթի է ենթարկել 57-ամյա քաղաքացու և գլորվել ձորը
1 րոպեի ընթերցում
![Տավուշում «ՈւԱԶ»-ը վրաերթի է ենթարկել 57-ամյա քաղաքացու և գլորվել ձորը](http://armenpress.am/resized/480/static/news/b/2014/10/779394.jpg)
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում հոկտեմբերի 9-ին` ժամը 01.01-ին, տեղեկատվություն է ստացվել, որ Իջևան-Նոյեմբերյան ավտոճանապարհին՝ «Ասֆալտի գործարանի» մոտակայքում, տեղի է ունեցել վրաերթ և դիակը շտապօգնության ավտոմեքենային մոտեցնելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեռևս չբացահայտված հանգամանքներում Մ4 միջպետական ավտոճանապարհի Իջևան-Նոյեմբերյան հատվածի 6-րդ կմ-ի մոտակայքում «ՈւԱԶ» մակնիշի 34ZF226 պետհամարանիշի (վարորդ՝ Հ. Բ. ծնված 1982թ.) ավտոմեքենան նախնական տվյալներով վրաերթի է ենթարկել Հ. Ա.-ին (ծնված 1957թ.), ով ստացված վնասվածքներից տեղում մահացել է. այնուհետև «ՈւԱԶ» մակնիշի ավտոմեքենան դուրս է եկել ճանապարհի երթևեկելի հատվածից և շրջվել: Հրշեջ-փրկարարները դիակի մնացորդները տեղափոխել են շտապօգնության ավտոմեքենա, գազազրկել և հոսանքազրկել են «ՈւԱԶ» մակնիշի ավտոմեքենան:Դեպքի վայրից մոտ 30 մ հեռավորության վրա հայտնաբերվել է զոհված քաղաքացու «Օպել» մակնիշի 22ՏՏ942 պետհամարանիշի ավտոմեքենան՝ կայանված ճամփեզրին: