Երևանյան լճում 39-ամյա տղամարդ է ջրահեղձվել

ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում հոկտեմբերի 1-ին` ժամը 13.09-ին, քաղաքացուց ահազանգ է ստացվել, որ Երևանյան լճում (Իսակովի պողոտայի գազալցակայանի կողմից) ափից մոտ 5մ հեռավորության վրա տեսնում է տղամարդու անշարժ մարմին: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել փրկարար ջոկատի խումբը և ՃԿԿ օպերատիվ խումբը: Փրկարարները ջրից դուրս են բերել Ա. Ս.-ի (ծնված 975թ., Երևան քաղաքի բնակիչ) դին: