Գորիս-Սիսիան ճանապարհին «Տոյոտա Կոռոլլա»-ի շրջվելու հետևանքով 2 մարդ է տուժել
1 րոպեի ընթերցում
![Գորիս-Սիսիան ճանապարհին «Տոյոտա Կոռոլլա»-ի շրջվելու հետևանքով 2 մարդ է տուժել](http://armenpress.am/resized/480/static/news/b/2014/09/776770.jpg)
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ ԱԻՆ-ում սեպտեմբերի 18-ին` ժամը 13.27-ին, տեղեկատվություն է ստացվել, որ Գորիս-Սիսիանավտոճանապարհի 17-րդ կմ-ում տեղի է ունեցել ՃՏՊ, անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեռևս չբացահայտված հանգամանքներում Մ-2 միջպետական ավտոճանապարհի Գորիս-Սիսիան հատվածի 17-րդ կմ-ում՝ Վաղատին գյուղի մոտակայքում, «Տոյոտա Կոռոլլա» մակնիշի ավտոմեքենան դուրս է եկել ճանապարհի երթևեկելի հատվածից և շրջվել: Մինչ հրշեջ-փրկարարների կանչի վայր հասնելը, ավտոմեքենայի վարորդ Է. Հ.-ն (ծնվ. 1983թ.) և ուղևոր Ա. Հ.-ն (ծնվ. 1983թ.) տարբեր վնասվածքներով տեղափոխվել են Սիսիան քաղաքի բժշկական կենտրոն: Բժիշկները տուժածների առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենան և դադարեցրել վառելիքի արտահոսքը: