Վանաձոր-Ալավերդի ճանապարհին «ՎԱԶ-2121»-ի և «Մերսեդես Բենց»-ի բախումից 4 մարդ է տուժել
1 րոպեի ընթերցում
![Վանաձոր-Ալավերդի ճանապարհին «ՎԱԶ-2121»-ի և «Մերսեդես Բենց»-ի բախումից 4 մարդ է տուժել](http://armenpress.am/resized/480/static/news/b/2014/08/772398.jpg)
ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ: Վանաձոր-Ալավերդի ճանապարհի 10-րդ կմ-ին օգոստոսի 11-ին` ժամը 10.10-ին, իրար են բախվել «ՎԱԶ-2121» և «Մերսեդես Բենց Վ 230» մակնիշի ավտոմեքենաներ: «ՎԱԶ-2121»-ի վարորդը, ուղևորը, «Մերսեդես Բենց Վ 230»-ի վարորդը և ուղևորը մարմնական վնասվածքներով տեղափոխվել են հիվանդանոց: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է քննություն: