Արաքս-Դալարիկ ճանապարհին «Օպել»-ն ընկել է ձորը. կա 3 տուժած

ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Ոստիկանության Բաղրամյանի բաժնում հուլիսի 20-ին հաղորդում է ստացվել, որ ժամը 11.10-ին «Օպել» մակնիշի ավտոմեքենան Արաքս-Դալարիկ ճանապարհի 4-րդ կմ-ին շրջվել է ձորակը, ինչի հետևանքով վարորդը և 2 ուղևորները մարմնական վնասվածքներով տեղափոխվել են հիվանդանոց: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է քննություն: