Վանաձորի բնակիչներից մեկը տան նկուղում զինամթերք է հայտնաբերել
1 րոպեի ընթերցում
![Վանաձորի բնակիչներից մեկը տան նկուղում զինամթերք է հայտնաբերել](http://armenpress.am/resized/480/static/news/b/2014/07/769933.jpg)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Վանաձորի մի բնակիչ հուլիսի 17-ին` ժամը 16.15-ին, ահազանգել է ոստիկանության Բազումի բաժին և հայտնել, որ իրենց տանը փամփուշտներ է հայտնաբերել:Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, մեկնած օպերատիվ խմբին տանտերը հայտնել է, որ տան նկուղում մաքրման աշխատանքներ կատարելիս` երկաթյա տարայի մեջ հայտնաբերել է 5.45 մմ տրամաչափի 47 և 5.6 մմ տրամաչափի 45 փամփուշտ, և որ դրանք պատկանել են մահացած ազգականին: Հայտնաբերվածն ուղարկվել է փորձաքննության: Կատարվարում է հետաքննություն: