398.74
Սիրիա-իրաքյան սահմանին իրաքցի 34 զինծառայողներ են զոհվել
1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Սիրիա-իրաքյան սահմանին հունիսի 20-ին տեղի ունեցած բախումների հետևանքով իրաքցի 34 զինծառայողներ են զոհվել: Ինչպես հաղորդում է «Արմենպրես»-ը, վկայակոչելով արաբական լրատվամիջոցները, արյունալի բախումներ են ընթացել ԻԼԻՊ խմբավորման և կառավարական ուժերի միջև Անբարի ալ Կաիմ քաղաքի մերձակայքում: Իրաքյան ուժերը օդային հարվածներ են հասցնում է ԻԼԻՊ-ին:
Մյուս կողմից, բախումներ են ընթանում Թալաֆար քաղաքի օդանավակայանի մերձակայքում և Բաղդադի Լուտֆիա շրջանում:
ԻԼԻՊ-ը նախորդ շաբաթվանից լայնածավալ գործողություններ էր սկսել Իրաքի հյուսիսում: Նրանք ամբողջովին գրավել են Նինվե նահանգի Մոսուլ քաղաքը: Այժմ խմբավորումը պայքարում է Բայջիի նավթավերամշակման խոշոր գործարանի վրա հսկողություն հաստատելու համար:
Իրաքյան ուժերն իրենց հերթին հայտարարել են, որ լայնածավալ ռազմական գործողություններ են սկսում Մոսուլում և Թիրքիթում գտնվող ԻԼԻՊ խմբավորման անդամների դեմ: Իրաքի վարչապետ Նուրի ալ Մալիքին նախօրեին հայտարարել էր, որ մի քանի տասնյակ սպաներ ազատվել են աշխատանքից` իրենց պատականությունը պատշաճ կերպով չկատարելու համար:
Բաժանորդագրվեք մեր ալիքին Telegram-ում