Գյուրջյան փողոցում 2 մեքենաների բախման հետևանով տուժել է 3 մարդ
1 րոպեի ընթերցում
![Գյուրջյան փողոցում 2 մեքենաների բախման հետևանով տուժել է 3 մարդ](http://armenpress.am/resized/480/static/news/b/2014/06/766463.jpg)
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Երևանի Գյուրջյան փողոցի թիվ 10 հասցեի մոտ հունիսի 18-ին` ժամը 18.20-ին, իրար են բախվել «Օպել Աստրա» և «Ֆոլքսվագեն» մակնիշի ավտոմեքենաներ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով «Ֆոլքսվագեն»-ի ուղևորը, «Օպել Աստրա»-ի վարորդը և ուղևորը մարմնական վնասվածքներով տեղափոխվել են հիվանդանոց: Կատարվում է քննություն: