Համանման երկու վրաերթ, մեկը` ողբերգությամբ. տասնամյա աղջնակ է զոհվել
1 րոպեի ընթերցում
![Համանման երկու վրաերթ, մեկը` ողբերգությամբ. տասնամյա աղջնակ է զոհվել](http://armenpress.am/resized/480/static/news/b/2014/06/765824.jpg)
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Ոստիկանության Արտաշատի բաժնում հունիսի 13-ին հաղորդում է ստացվել, որ ժամը 19.00-ի սահմաններում «ՎԱԶ 2109» մակնիշի ավտոմեքենայի վարորդը Ազատավան գյուղի խաչմերուկում վրաերթի է ենթարկել 2004 թ. ծնված Արամայիս Մ.-ին (Ազատավան գյուղի դպրոցի 4-րդ դասարանի աշակերտ), իր մեքենայով նրան տեղափոխել Արտաշատի հիվանդանոց, որից հետո ներկայացել բաժին:Կատարվում է նախաքննություն:
Ինչպես«Արմենպրես»-ին տեղեկացրին ՀՀ ոստիկանությունից,հունիսի 13-ին ոստիկանության Արարատի բաժնում հաղորդում է ստացվել, որ ժամը 19.55-ի սահմաններում, «ՎԱԶ-21015» մակնիշի ավտոմեքենայի վարորդը Վեդի-Ոսկետափ ճանապարհի 5-րդ կ/մ-ին` Վանաշեն գյուղի հատվածում, վրաերթի է ենթարկել 2004 թ. ծնված Աննա Հովհաննիսյանին (Վանաշեն գյուղի դպրոցի 4-րդ դասարանի աշակերտուհի) և նրան տեղափոխել Վեդի քաղաքի հիվանդանոց: Աղջկա կյանքը փրկել չի հաջողվել:Վարորդը ներկայացել է ոստիկանություն: Կատարվում է նախաքննություն: