1 րոպեի ընթերցում
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: ՀՀ առողջապահության նախարարության «Թեժ գիծ» ծառայության հեռախոսազանգերին այսօր առավոտյան պատասխանել է նախարար Արմեն Մուրադյանը: Ինչպես «Արմենպրես»-ին տեղեկացրին ՀՀ առողջապահության նախարարությունից, Արմեն Մուրադյանն անձամբ է լսել քաղաքացիների կողմից բարձրացված բոլոր հարցերը և տվել սպառիչ պատասխաններ:
«Թեժ գիծ»-ը շուրջօրյա (24 ժամ) ծառայություն է, որում արձանագրված բոլոր դիմում-բողոքներն ուսումնասիրվում և քննարկվում են և ստանում համապատասխան լուծումներ: Քաղաքացիների կողմից հնչեցված բոլոր հարցերի, առաջարկությունների և բողոքների մասին զեկուցվում է ՀՀ առողջապահության նախարարին և նախարարության աշխատակազմի ղեկավարին: