1 րոպեի ընթերցում
ԵՐԵՎԱՆ, 5 ՀՈւՆԻՍԻ, ԱՐՄԵՆՊՐԵՍ: Սիրիայի հարցով ՄԱԿ-ի և Արաբական երկրների լիգայի նախկին բանագնաց Ախդար Իբրահիմիին փոխարինողների հավանական թեկնածուների թվում է ՄԱԿ-ի և Քիմիական զենքի արգելման կազմակերպության հատուկ համակարգող Սիգրիգ Քաագը: Ինչպես հաղորդում է «Արմենպրես»-ը, վկայակոչելով ԻՏԱՌ-ՏԱՍՍ գործակալությունը, այս մասին հայտարարել է կազմակերպությունը՝ ավելացնելով, որ թեկնածուների թվում են նաև ԱԵԼ-ի նախկին գլխավոր քարտուղար Ամր Մուսան և Թունիսի ներքին գործերի նախկին նախարար Քամել Մորջան:
Սիգրիդ Քաագի մասին Քիմիական զենքի արգելմանկազմակերպությունը նշել է, որ նա շատ լավ ծանոթ է տարածաշրջանի հետ, ազատ հաղորդակցվում է արաբերենով և մեծ փորձ ունի ՅՈւՆԻՍԵՖ-ում, ՄԱԿ-ի պաղեստինցի փախստակնների մերձավորարևելյան գործակալությունում և այլուր: Բացի այդ, սիրիական ճգնաժամի հենց սկզբից նրա գործունեությունը կոնկրետ արդյունքներ է տվել, չնայած որ աշխատանքները դեռ չեն ավարտվել:
Ախդար Իբրահիմին ՄԱԿ-ի և ԱԵԼ-ի համատեղ բանագնաց էր նշանակվել 2012թ.-ի սպտեմբերի 1-ից՝ փոխարինելով Քոֆի Անանին: Նա հրաժարական էր տվել մայիսի 31-ին` միջսիրիական բանակցությունները վերսկսելու փորձը ձախողելուց հետո: