398.64
Սիրիայում ազատ են արձակվել բրիտանացի երկու լրագրողները
1 րոպեի ընթերցում
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Սիրիայում ազատ են արձակվել զինյալների կողմից առևանգված երկու լրագրողները, ովքեր աշխատում են բրիտանական «Թայմս թերթում»: Ինչպես հաղորդում է «Արմենպրես»-ը, վկայակոչելով արաբական լրատվամիջոցները, Էնթոնի Լլոյդը և Ջեք Հիլը առևանգվել էին նախօրեին իսլամիստական խմբավորման կողմից: Նրանք ազատ են արձակվել մեկ այլ ընդդիմադիր «Ջաբհա ալ Իսլամիա» խմբավորման օգնությամբ:
Թերթը հրապարակել է, որ սիրիական Թել Ռիֆաթ քաղաքից Թուրքիա վերադառնալու ժամանակ զինված խմբավորման անդամները կանգնեցրել են լրագրողների մեքենան և առևանգել նրանց: Թերթի աշխատակիցները պատմում են, որ բրիտանացիները հասկացել են՝ իրենց առևանգել են զինված խմբավորման անդամները, ովքեր պետք է ապահովեին իրենց անվտանգությունը: Զինյալները նույնիսկ փորձել են փրկագին պահանջել:
Բաժանորդագրվեք մեր ալիքին Telegram-ում