ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարություն մայիսի 10-ին, ժամը 11.31-ին ահազանգ է ստացվել, որ հրդեհ է բռնկվել Երևանի Շինարարների փողոցի թիվ 10 շենքի 1-ին հարկի բնակարանում: Ինչպես տեղեկացնում է «Արմենպրես»-ը` վկայակոչելով ՀՀ ԱԻՆ պաշտոնական կայքը, դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 11.39-ին, մարվել` 11.43-ին:
Թիվ 65 բնակարանի խոհանոցում մասամբ այրվել են պատուհանը, գազի բալոնը և սեղանը: