398.88
Դամասկոսի գյուղերում 26 զինյալ հանձնվել են իշխանություններին
1 րոպեի ընթերցում
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Դամասկոսի Քասուա շրջանի Զաքիա, Տայիբա, Մուկիլբիա գյուղերում 26 զինյալ վայր են դրել զենքերը և հանձնվել իշխանություններին: Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, ոստիկանությունը տեղեկացնում է, որ ապրիլ ամսվա ընթացքում Դամասկոսի գյուղերում իշխանություններին հանձնված զինյալների թիվը հասել է 310-ի: Մինչդեռ մարտ ամսին նման քայլի էին դիմել 500 զինյալներ:
Սիրիական բանակը Հալեպի ալ Լիրմուն թաղամասում տասնյակ զինյալների է ոչնչացրել, ինչպես նաև ոչնչացվել են նրանց պատկանող զենքերը: Բանակը հսկողություն է հաստատել Զահրա թաղամասում գտնվող մի շարք շինությունների վրա: Կանխվել է զինյալների մուտքը Միսր թաղամասից դեպի անվտանգ թաղամասեր: Տեղի ունեցած բախումները զինյալներին ստիպել են նահանջել: Բացի այդ, զինյալների թաքստոցներ են ոչնչացվել Հալեպի կենտրոնական բանտի մերձակայքում, Քասթիլիո, Շեյխ Սայիդ, Թել Ռաֆաաթ գյուղերում:
Սիրիական բանակը շարունակում է զինյալներին հետապնդել Իդլեբի գյուղերում: Սպանված տասնյակ զինյալների թվում եղել են չեչեններ և պակիստանիցներ:
ՄԱԿ-ի տվյալներով, Սիրիայում եռամյա հակամարտության ընթացքում զոհերի թիվը գերազանցել է 130 հազարը: Զոհված հայերի թիվը գերազանցել է 90-ը:
Բաժանորդագրվեք մեր ալիքին Telegram-ում