Լաթաքիայում հրասանդներ են ընկել

ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Լաթաքիայի գյուղերում ապրիլի 7-ին 7 հրթիռ է ընկել: Ինչպես հաղորդում է «Արմենպրես»-ը, վկայակոչելով «Լաթաքիայի տեղեկատվական ցանց» ֆեյսբուքյան էջը, 3 հրթիռ ընկել է Ջաբլա շրջանում: Բացի այդ, Քարսանա և Բուսթան ալ Խուրի շրջանների մերձակայքում հրթիռների ընկնելու հետևանքով, նախնական տեղեկություններով, վիրավորվել է 8 մարդ, ովքեր տեղափոխվել են Լաթաքիայի հիվանդանոցներ: Վիրավորների թվում դպրոցական աշակարտներ կան:

Սիրիական ՍԱՆԱ գործակալությունը տեղեկանցում է, որ Հալեպի Համդանիա թաղամասում և Սաադ Ալլահ ալ Ջաբրի հրապարակում հրասանդներ են ընկել, ինչի հետևանքով 11 մարդ զոհվել է, ավելի քան 50-ը՝ վիրավորվել: Աղբյուրի տեղեկացմամբ` Հալեպի Աֆրին, Սինաիա, ալ Լիրմուն, Հանդարաթ, Ջանդուլ, Խան Տուման շրջաններում տասնյակ զինյալներ են սպանվել, ոչնչացվել են նրանց պատկանող մեքենաները:

Բացի այդ, ևս 5 քաղաքացի վիրավորվել է Դամասկոսի Բարամքե շրջանում հրասանդ ընկնելու հետևանքով:

Սիրիայում եռամյա հակամարտության ընթացքում, ՄԱԿ-ի տվյալներով, զոհերի թիվը գերազնացել է 130 հազարը: