Արմավիր-Էջմիածին ճանապարհին արգելապատնեշին բախված մեքենայի վարորդը հոսպիտալացվել է
1 րոպեի ընթերցում
![Արմավիր-Էջմիածին ճանապարհին արգելապատնեշին բախված մեքենայի վարորդը հոսպիտալացվել է](http://armenpress.am/resized/480/static/news/b/2014/04/756789.jpg)
ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Արմավիր-Էջմիածին ավտոճանապարհին՝ կամրջի տակ, ապրիլի 4-ին` ժամը 03.31-ին, տեղի է ունեցել ՃՏՊ: Դեպքի վայր է մեկնել մեկ մարտական հաշվարկ: Ինչպես«Արմենպրես»-ին տեղեկացրին ՀՀ արտակարգ իրավիճակների նախարարությունից, պարզվել է, որ դեռևս չբացահայտված հանգամանքներում «Մ-5» միջպետական ավտոճանապարհի Արմավիր-Երևան հատվածի 33-րդ կմ-ին Ա.Բ.-ին պատկանող «Օպել» մակնիշի 91RQ009 պ/հ ավտոմեքենան դուրս է եկել ավտոճանապարհի երթևեկելի հատվածից և բախվել արգելապատնեշին:Մինչ հրշեջ-փրկարարների կանչի վայր հասնելը, վարորդ Է.Ս.-ն տեղի ուժերով դուրս է բերվել ավտոմեքենայից, ում հրշեջ-փրկարարներ մոտեցրել են «1-03» ծառայության ավտոմեքենային, վերջինս տեղափոխվել է Էջմիածին քաղաքի ԲԿ: Բժիշկները տուժածի առողջական վիճակը գնահատել են բավարար: