Նախնական արդյունքներով՝ Ռուսաստանի հետ վերամիավորվելու օգտին քվեարկել է ղրիմցիների 96,6 տոկոսը
1 րոպեի ընթերցում
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ղրիմի հանրաքվեում Ռուսաստանի հետ վերամիավորվելու օգտին քվեարկել է դրան մասնակցած բնակիչների 96,6 տոկոսը: Այդ մասին, ինչպես տեղեկացնում Է «Արմենպրես»-ը, Գերագույն խորհրդի՝ հանրաքվեի կազմակերպման հանձնաժողովի ղեկավար Միխայիլ Մալիշեւը հայտնել Է «Ղրիմ» պետական հեռուստառադիոընկերության եթերում:
Այս տվյալները ներկայացվում են առանց Սեւաստոպոլի հաշվառման:
«Ռուսաստանի հետ վերամիավորվելու օգտին տրվել Է ձայների 96,6 տոկոսը, խոսքը 1 մլն 272 հազար 871 մարդու մասին Է»,- ասել Է նա:
Մալիշեւը վստահություն Է հայտնել, որ «այդ արդյունքն սկզբունքորեն այլեւս չի փոխվի»:
Հեռուստաալիքի տվյալներով՝ արդեն ամփոփվել են ընտրական բոլոր արձանագրությունների տվյալները: Դրա հետ մեկտեղ խոսքը օպերատիվ տվյալների մասին Է, վերջնական արդյունքները կամփոփվեն այն բանից հետո, երբ Սիմֆերոպոլում կստացվեն բոլոր ընտրատարածքների թղթե արձանագրությունները, հաղորդել Է ԻՏԱՌ-ՏԱՍՍ-ը: