Բագրատունյաց փողոցում երեք մեքենաների բախման հետևանքով տուժել է 2 մարդ
1 րոպեի ընթերցում
![Բագրատունյաց փողոցում երեք մեքենաների բախման հետևանքով տուժել է 2 մարդ](http://armenpress.am/resized/480/static/news/b/2014/03/753386.jpg)
ԵՐԵՎԱՆ, 11 ՄԱՐՏԻ, ԱՐՄԵՆՊՐԵՍ: Երևանի Բագրատունյաց փողոցի թիվ 18 շենքի մոտ մարտի 10-ին` ժամը 12.20-ին, իրար են բախվել «Օպել Վեկտրա», «Հունդա Սոնատա» և «Հոնդա Ֆիթ» մակնիշի ավտոմեքենաներ: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով «Օպել Վեկտրա»-ի վարորդը և «Հոնդա Ֆիթ»-ի ուղևորը մարմնական վնասվածքներով տեղափոխվել են հիվանդանոց: Կատարվում է քննություն: