Շիրազի փողոցում «ՎԱԶ-2107»-ը վրաերթի է ենթարկել 28-ամյա քաղաքացու

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: «ՎԱԶ-2107» մակնիշի ավտոմեքենայի վարորդը փետրվարի 11-ին` ժամը 21.30-ին, Երևանի Շիրազի փողոցի թիվ 48 շենքի դիմաց վրաերթի է ենթարկել 28-ամյա քաղաքացուհու, որը մարմնական վնասվածքներով տեղափոխվել է հիվանդանոց: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, կատարվում է քննություն: