1 րոպեի ընթերցում
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Սիրո բարեխոս Սուրբ Սարգիս զորավարի տոնին «Ռեինկարնացիա» խումբը բացօթյա համերգով հանդես կգա «Պողոսյան պարտեզներում»: Լրագրողների հետ հանդիպմանը խմբի մեներգիչ Ռոլանդ Գասպարյանը վստահեցրեց, որ համերգը բավական լավն է լինելու: «Մենք այս անվճար համերգով ցանկանում ենք մեր ազգին սեր, ժպիտ, հարգանք պարգեւել»,- ասաց նա:
«Արմենպրես»-ի հաղորդմամբ` «Ռեինկարնացիա» խմբի պրոդյուսեր Արամ Սուլջյանը նշեց, որ խումբն այս տարի բարեգործությամբ է զբաղվելու` անվճար համերգներ տալով: «Սիրո տոնին էլ հենց կսկսենք մեր համերգների շարքը»,- նշեց նա:
Սուրբ Սարգիս զորավարի տոնը նշվելու է փետրվարի 15-ին: Ն.Ա.Օ.Տ.Տ. Գարեգին Բ Ամենայն Հայոց Հայրապետի տնօրինությամբ այն հռչակված է երիտասարդների օրհնության օր: Այդ օրը Սուրբ Պատարագ է մատուցվում սրբի անունը կրող բոլոր եկեղեցիներում, որի ավարտին կատարվում է երիտասարդների օրհնության կարգ: