397.92
Հոմսի հին թաղամասերից բնակիչներին շուտով դուրս կհանեն
1 րոպեի ընթերցում
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Սիրիայի իշխանությունները համաձայնության են եկել ՄԱԿ-ի անվտանգության խորհրդի հետ Հոմս քաղաքի հին թաղամասերից բնակիչներին դուրս հանելու վերաբերյալ: Ինչպես հաղորդում է «Արմենպրես»-ը, վկայակոչելով սիրիական ՍԱՆԱ գործակալությունը, այս մասին փետրվարի 6-ին հայտարարել է Հոմսի քաղաքապետ Տալալ ալ Բարազին: «Մոտ ժամանակներս բնակիչներին դուրս կհանեն նշված տարածքներից»,- նշել է նա:
Հոմսի պատմական թաղամասերում այժմ թեժ բախումներ են ընթանում սիրիական բանակի և զինված խմբավորումների միջև:
Ավելի վաղ տեղեկություններ էին ստացվել, որ Սիրիայի իշխանությունները և ընդդիմությունը համաձայնության են եկել Հոմս քաղաք մարդասիրական օգնություն հասցնելու վերաբերյալ: Ռուսաստանի արտաքին գործերի փոխնախարար Ալեքսանդր Լուկաշևիչը նշել էր, որ դա միանգամայն դրական քայլ է:
Բաժանորդագրվեք մեր ալիքին Telegram-ում