1 րոպեի ընթերցում
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: 1972 թվականի Ձմեռային խաղերի անցկացման քաղաքը ողջույն Է փոխանցում Օլիմպիադայի ներկայիս մայրաքաղաքին: Փետրվարի 5-ին Սապպորոյում բացվել Է ձյունե եւ սառցե քանդակների փառատոնը: Տոնի գլխավոր կոմպոզիցիան նվիրել են Ճապոնիայի թիմին, որը մեկնել Է Սոչի՝ մասնակցելու ձմեռային Օլիմպիադային: Քանդակը պատկերում Է գեղասահորդների, չմշկավազորդների, հոկեյիստների եւ դահուկացատկորդների: Դրա հեղինակներն են՝ ինքնապաշտպանության ցամաքային ուժերի զինվորները, որոնք քանդակն ստեղծելու վրա ծախսել են մի ամբողջ ամիս, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
Բացի այդ, մի քանի շաբաթ առաջ Սապպորոյի հրապարակում հայտնվել Է Աբդուլ Սամադ սուլթանի պալատը՝ Մալայզիայի անկախության խորհրդանիշը, եւ Ագրայի հին հնդկական դամբարանները: Ընդամենը ձյան 65-րդ տոնի ընթացքում հեղինակները ներկայացրել են ավելի քան 200 քանդակ: