1 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի տղամարդկանց հավաքականի անդամ Սերգեյ Մովսիսյանը հաղթանակով է մեկնարկել Ջիբրալթարի խոշոր մրցաշարում:
«Արմենպրես»-ի հաղորդմամբ` Մովսիսյանն առաջին տուրում ուժերն էր չափում նորվեգացի Գանդրուգ Վեգար Կոյի հետ: Հայազգի շախմատիստը սև խաղաքարերով առավելության է հասել մրցակցի նկատմամբ:
Բրազիլահայ Գրիգոր Սևակ Մխիթարյանը ևս մասնակցում է այս մրցաշարին: Վերջինս, սակայն, անհաջող է մեկնարկել և առաջին իսկ տուրում զիջել Նորվեգիան ներկայացնող Սեբաստիան Միխայլովին: Բրազիլիայի դրոշի տակ հանդես եկող Արմեն Բրուտյանն առաջին իսկ պարտիայում պարտվել է հնդիկ Հարիկրիշինային:
Ջիբլարթարի միջազգային մրցաշարը մեկնարկել է հունվարի 28-ին: Մրցաշարն անցկացվում է 2003 թվականից: