397.35
«Ժնև 2»-ին Իրանի մասնակցությանը չցանկացող կողմերը չեն ցանկանում հասնել սիրիական ճգնաժամի արդար լուծմանը. Լավրով
1 րոպեի ընթերցում
ԵՐԵՎԱՆ, 20 ՀՈւՆՎԱՐԻ, ԱՐՄԵՆՊՐԵՍ: Միջազգային համաժողովում Իրանի մասնակցությանը չցանկացող կողմերը պարզապես չեն ցանկանում, որ սիրիական ճգնաժամը լուծվի արդար: Այս մասին հունվարի 20-ին հայտարարել է Ռուսաստանի արտաքին գործերի նախարար Սերգեյ Լավրովը` նորվերգացի իր գործընկեր Բերգե Բրենդեի հետ Մոսկվայում կայացած հանդիպման ժամանակ: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, նա ողջունել է Իրանին հրավեր ուղարկելու ՄԱԿ-ի գլխավոր քարտուղարՊան Կի Մունի քայլը:Լավրովը նաև նշել է, որ շատ երկրներ, այդ թվում` Ավստրալիան, Հարավային Կորեան, շատ հեռու են տարածաշրջանից, սակայն նրանց ևս հրավեր է ուղարկվել:
Իր հերթին Իրանի արտգործնախարարությունը հայտարարել է, որ իրենց երկիրը կմասնակցի համաժողովին առանց նախապայմանների:
ՄԱԿ-ի Անվտանգության խորհուրդը ևս հայտարարել է, որ ժնևյան միջազգային համաժողովի նախապատրաստական աշխատանքները շարունակվում են, և այն հետաձգելու մասին խոսք չի գնում: Մինչ այժմ անորոշ է սիրիական ընդդիմության պատվիրակության կազմը և Իրանի մասնակցության հարցը, որին արդեն հրավեր է ուղարկվել:
Միջազգային համաժողովը կմեկնարկի հունվարի 22-ին, շվեյցարական Մոնտյո քաղաքում:
Բաժանորդագրվեք մեր ալիքին Telegram-ում