Գյումրիում «Մերսեդես Բենց»-ը դուրս է եկել երթևեկելի մասից, մտել զբոսայգի և շրջվել
1 րոպեի ընթերցում
![Գյումրիում «Մերսեդես Բենց»-ը դուրս է եկել երթևեկելի մասից, մտել զբոսայգի և շրջվել](http://armenpress.am/resized/480/static/news/b/2014/01/746726.jpg)
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: «Մերսեդես Բենց E-280» մակնիշի ավտոմեքենան (վարորդ` 1987թ. ծնված Վահրամ Դ.) հունվարի 19-ին` ժամը 03.05-ի սահմաններում, Գյումրիի կայարանամերձ հրապարակում դուրս է եկել ճանապարհի երթևեկելի մասից, մտել զբոսայգի և շրջվել: Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի եւ լրատվության վարչությունից, պատահարի հետևանքով վարորդը և երեք ուղևորները մարմնական վնասվածքներով տեղափոխվել են «Գյումրի» բժշկական կենտրոն: Կատարվում է քննություն: